Rossiyadagi migrant kuryerlar maosh IT xodimlari bilan bir xil maosh olmoqda

Iyun oyida Rossiyada mehnat muhojirlarining maoshlari o‘sishi qayd etildi. Bu haqda Gazeta.ru nashri xabar berdi.

Ular o‘rtacha hisobda 23 foizga ko‘p maosh ola boshladi

Ular o‘rtacha hisobda 23 foizga ko‘p maosh ola boshladi, dedi migratsiya kun tartibi va kadrlarni yollash bo‘yicha ekspert, Migrantlar xizmati platformasi direktori Andrey Kladov. Yetkazib berish sohasida muhojirlar bugungi kunda IT-mutaxassislari bilan teng daromad olishadi, dedi u NSN nashriga bergan intervyusida.

Kuryerlar 155 ming rubl topmoqda

Kladovning so‘zlariga ko‘ra, o‘tgan yilning dekabr oyiga kelib, kadrlar yetishmasligi fonida migrantlarning maoshi 120 ming rublga yetgan.

“Kuryerlik lavozimlarida ishlaydigan migrantlar boshlang‘ich va o‘rta darajadagi IT mutaxassislari bilan teng ravishda oyiga taxminan 155 ming rubl ishlay boshladilar, shu bilan birga yetkazib berish xizmatlarida ham, IT-sanoatda ham kadrlar yetishmasligi kuchaymoqda”, - dedi ekspert.

Migrantlar xizmati platformasida 2 milliondan ortiq odam ro‘yxatdan o‘tgan

Shu bilan birga, hozirda Migrantlar xizmati platformasida 2 milliondan ortiq odam ro‘yxatdan o‘tgan va ish takliflari sezilarli darajada kam, deya qo‘shimcha qildi Kladov. U bu qarama-qarshilikni ish beruvchilarning kadrlar izlashda yetarlicha faol emasligi, shuningdek, xodimlarni saqlab qola olmasligi bilan izohladi.

Muhojirlarni boshqaruvchi yollash bo‘yicha federal loyiha

Bungacha Rossiyada muhojirlarni boshqaruvchi yollash bo‘yicha federal loyihani amalga oshirish rejalari haqida ma’lum bo‘lgan edi. Rossiya kompaniyalari uchun kadrlar markazi bo‘lib xizmat qiladigan uyushgan yollash operatorini yaratish rejalashtirilgan.Shuningdek, chet elda tibbiy ko‘rikdan o‘tkazish, barmoq izlari va rus tilini bilish darajasini tekshirish taklif qilinmoqda.