O’zbekistonda hay-tek uslubidagi ilk masjid foydalanishga topshirildi

O’zbekiston musulmonlari idorasi tashabbusi bilan Toshkent shahri, Chilonzor tumanidagi ”Hasanxon qori” jome masjidi qayta qurilib foydalanishga topshirildi.

Najmiddin Hasanov masjidga imom etib tayinlandi

Masjid noan’anaviy ya’ni, hay-tek uslubida qurilgan O’zbekistondagi ilk zamonaviy masjid hisoblanadi. Masjidning qurilishi 2021-yilda boshlangan bo’lib, saxovatpesha insonlar hamkorligida hashar yo’li bilan bitkazilgan. Najmiddin Hasanov masjidning imomi etib tayinlandi.

Masjidning tuzilishi

Masjidning avvalgi binosi eski, tor, kirib-chiqishda ko’plab noqulayliklar namozxonlarga qiyinchilik tug’dirardi. Yangidan qad rostlagan masjidda esa bu kamchiliklar bartaraf etildi. U bir vaqtning 4 ming nafar namozxonni o’z ichiga sig’dira oladi.Bino ichida ma’muriyat, kutubxona kabi zarur xonalar, mahalliy hamda xorijlik turist ayollar uchun tahoratxona va namozxona tashkil etilgan.