Xalqaro yuk tashuvchilar uchun ayrim ruxsatnomalar berish tartibi o‘zgardi
Ayrim mamlakatlardan tashqari barcha davlatlar ruxsatnomalari asl nusxasini vazirlikka topshirish amaliyotidan voz kechildi. Ularning elektron nusxasini “Е-avto ruxsatnoma” AATga yuklagan holda foydalanilganligi bo‘yicha tizimdan chiqariladi.
1 daqiqa o‘qiladi
Milliy tashuvchilar bildirgan takliflarini inobatga olinib, ayrim davlatlarning xorijiy ruxsatnoma blankalarini berishda yangi tartib o‘rnatildi. Bu haqda Transport vazirligi ma’lum qildi.
Rossiya ruxsatnomalari
Unga ko‘ra, Rossiya ruxsatnomalari – xalqaro tovar-transport yuk xati (CMR) asosida, Ozarbayjon ikki tomonlama ruxsatnomalari – eksport deklaratsiyasi asosida amalga oshiriladi.
Polsha universal ruxsatnomalari
Polsha ikki tomonlama/tranzit ruxsatnomalari – yo‘nalish bo‘yicha ruxsatnoma blankalari mavjud bo‘lganda eksport deklaratsiyasi, u yerdan qaytish bo‘yicha xalqaro tovar-transport yuk xati (CMR) asosida arizaga biriktirgan holda;
Polsha universal ruxsatnomalari – yo‘nalish bo‘yicha ruxsatnoma blankalari mavjud bo‘lganda, xalqaro tovar-transport yuk xati (CMR) asosida beriladi;
Tashqari barcha davlat ruxsatnomalari asl nusxasini vazirlikka topshirish amaliyotidan voz kechildi
Rossiya, Ozarbayjon, Xitoy, Polsha, Litva, Estoniya, Vengriya, Slovakiya, Italiya, Germaniya davlatlari ruxsatnomalaridan tashqari barcha davlat ruxsatnomalari asl nusxasini vazirlikka topshirish amaliyotidan voz kechildi va ularning elektron nusxasini “Е-avto ruxsatnoma” AATga yuklagan holda foydalanilganligi bo‘yicha tizimdan chiqariladi.
