O'zbek futbolida o'zbeklarni ortda qoldirayotgan legionerlar

Qirg‘iz futbolining "olmos" topilmasi

Yaqindagina indoneziyaliklarning yoqimtoyiga aylangan Djoel Kodjoni samarqandlik bolalar ham yaxshi ko‘rishar ekan. Asli ganalik bo‘lgan futbolchining Markaziy Osiyodagi sarguzashtlari 2017-yil yozidan buyon davom etmoqda. Futbolchi ayni hudud futboli uchun yaxshigina sermahsullik namoyish etib kelmoqda. U avvaliga Qirg‘izistonning "Alay" klubi safida 2018-2020 yilgi mavsumlarda to‘p tepib, 70 o‘yinda 44 ta gol va 8 ta assist, 2021-22 yilgi mavsumlarda esa mamlakatning mashhur jamoalaridan biri "Dordoy" safida 39 o‘yinda 15 gol va 4 assist qayd etgan. Shundan so‘ng u Samarqandning "Dinamo"si e’tiboriga tushadi va hozirgi kunga qadar samarqandliklar safida 27 o‘yinda harakatlanib, 17 gol va 3 assist qayd etishga muvaffaq bo‘lgan. Bundan tashqari, 25 yoshli futbolchi o‘tgan yilning 16-iyunida Qirg‘iz Respublikasi terma jamoasi safida debyut qilib, bugunga qadar u libosda 15 o‘yinda 7 gol urishga erishgan. Oxirgi vaqtlarda o'zbekistonlik futbolchilarning bu chiziqda bunday sermahsul o'yin ko'rsatadiganini uchratish mushkul.

Dragan Cheran nima uchun Messi, Suarez va Levandovskidan yaxshiroq?

"Paxtakor" hujumchisi va O‘zbekiston Superligasining bir necha karra to‘purari hamda "eng yaxshisi" Dragan Cheran oxirgi yillardagi bosib o‘tgan faoliyati davomida bir statistikaga ko‘ra Messi, Suares va Levandovskidan yaxshiroq natija qayd etgan. Futbolchi 30 yoshdan keyin urilgan xet-triklar soni bo‘yicha yuqorida nomi keltirilgan yulduzlarni orta qoldirgan. Faqatgina Krishtianuning natijasi unikidan sermahsulroq. Ushbu reyting tuzilgan jadvalning top-5 ligi quyidagi holatda aks etgan:

1. Ronaldu: 35 

2. Messi: 6

3. Suares: 5

4. Benzema: 5

5. Levandovski: 3

Ma’lumot o‘rnida, Dragan 30 yoshni qarshilagach 8 ta xet-trik qayd etishga erishgan. Ajablanarlisi, ulardan ikkitasi — poker.