Тўйда тўппончадан ўқ узган куёв жўранинг шахси аниқланди (+видео)

Ижтимоий тармоқларда куёв навкар вақтида меҳмонлардан бири осмонга қарата тўппончадан ўқ узаётгани акс этган видео тарқалди. Тошкент шаҳар ИИББ мазкур видеони ўрганиб чиқиб, видеодаги одамларнинг, хусусан, ўқ узган кишининг шахси аниқланганини маълум қилди.

Ўқ узган шахс Тошкент вилоятилик 25 ёшли С.У.нинг сўзларига кўра, у қариндоши бўлмиш куёвга тўй куни куёв жўралик қилган. 19 сентябрь куни куёв ва унинг дўстлари Чилонзор туманига келиннинг уйига келишганида, у кейинчалик “қизиқарли ролик” тайёрлаш учун бозордан сотиб олган ўйинчоқ тўппончани осмонга кўтарган. Шу лаҳзалар видеооператорлар томонидан тасвирга туширилган. 4 октябрь куни кечқурун Улуғбекнинг ўзи видеони монтаж қилиб, ўқ узиш товушларини қўшган ва видеони инстаграмдаги саҳифасига жойлаган. Кейинчалик мазкур видеони интернетда тарқатган.