Тошкентда кўча чироқларига қўйилган чеклов бекор қилинди

Тошкентда 16 ноябрдан бошлаб кўча ёритиш тармоқлари вақтинчалик тунги истеъмолини чеклаш тартибига ўтказилганди. "Тошшаҳарнур" давлат унитар корхонасининг маълум қилишича, ушбу тартиб бекор қилинди.

13 декабрь соат 17:00 дан Тошкент шаҳрининг марказий, туман аҳамиятидаги ва маҳаллалар, мавзелар ҳамда даҳаларининг ички кўчаларда электр энергиясини тежаш мақсадида жорий қилинган чекловлар олинади.

Пойтахтдаги мавжуд кўча чироқлари, иллюминация чироқлари 100 фоиз ёқилади.