Қурбон ҳайитини карантин қоидаларига риоя этиб ўтказиш тавсия этилди

Республика махсус комиссияси томонидан Ўзбекистон мусулмонлари идораси Уламолар Кенгашининг Қурбон ҳайитини коронавирус пандемияси даврида карантин талабларига мувофиқ ўтказиш тўғрисидаги баёноти мақбул топилди. Маҳаллий ҳокимликларга тегишли чора-тадбирларни амалга ошириш топшириғи берилди.

Фуқароларга Қурбон ҳайитининг карантин талабларига мувофиқ, уй шароитида, оила даврасида, ҳашаматсиз ва камтарона, тартибли ҳамда халқимизнинг миллий қадриятларига мос равишда карантин қоидаларига қатъий риоя этган ҳолда ўтказиш тавсия этилди.