Ўзбекистон интернет тезлиги бўйича жаҳон рейтингида юқорилади

«Ookla» компаниясининг “Speedtest.net” хизмати 2020 йил август ойи бўйича янги маълумотларни эълон қилди. Ахборот технологиялари ва коммуникацияларини ривожлантириш вазирлиги маълум қилди.

Қайд этилишича, Ўзбекистон “Speedtest Global Index” мобил алоқа Интернет тезлиги жаҳон рейтингида 2 поғонага кўтарилган.

Аниқланган Интернет тезлиги бўйича Ўзбекистон ҳозирги кунда 174 та давлат ичида 97-ўринни эгаллаб турибди.

Вазирликка кўра, 2019 йил август ҳолатига кўра, юклаш бўйича аниқланган Интернет тезлиги 1,5 баравар ўсиш кўрсаткичларини қайд этиб, 19,49 Мбит/с. дан 29,80 Мбит/с. гача етган.

Ҳозирда Ўзбекистон мобиль интенрет тезлиги бўйича 125-ўринни эгаллаб, 2020 йил август ҳолатига кўра, иккита поғонага юқорилади.

Маълумот ўрнида, Ирландиянинг «Ookla» компанияси Интернет тармоқлари, илова ва технологияларини синов ҳамда тестдан ўтказувчи дунёдаги етакчи компаниялардан биридир.

“Speedtest” порталида ҳар йили фойдаланувчилар томонидан 10 миллиондан ортиқ тест ўтказилади. Ҳозирги ҳолатига кўра, умумжаҳон фойдаланувчилари томонидан “Speedtest” порталида 28,2 миллиарддан ортиқ тест ўтказилган.