Instagram yangi funksiyalar joriy qilishda faollashmoqda
Instagramda shaxsiy xabarlarni tarjima qilish va rejalashtirish funksiyasi qo‘shildi.
1 daqiqa o‘qiladi
“Instagram”da yangi funksiyalar paydo bo‘ladi. Bu haqda “The Verge” nashri ma’lumot bermoqda.
Xabarlarni tarjima qilish funksiyasi
Xususan, ijtimoiy tarmoq shaxsiy suhbatlarda xabarlarni tarjima qilish imkoniyatini qo‘shdi. Hozircha 99 ta til mavjud. Tarjima asl xabarning ostida ko‘rinadi.
Endi Instagramda ham musiqani ulashish mumkin
Endi foydalanuvchilar ilovadan chiqmagan holda musiqani ulashishlari mumkin. Qo‘shiqlar katalogi xabar kiritish qatoridagi stikerlar bo‘limida joylashgan. “Meta” ma’lumotiga ko‘ra, qabul qiluvchi 30 soniyalik namuna parchasini tinglash imkoniyatiga ega bo‘ladi.
“Mahkamlash” funksiyasi
Foydalanuvchilar shaxsiy yoki guruh chatining yuqori qismiga matn, rasm yoki Reels kabi muayyan xabarlarni mahkamlashi mumkin. Mahkamlangan xabarlarni ushlab turish orqali boshqarish mumkin.
Guruhlar uchun QR-kod
Yana bir yangilanish — foydalanuvchilarni guruh chatiga moslashtirilgan QR-kod yordamida qo‘shish imkonini beruvchi funksiya. Guruh chatida uning nomini, keyin taklif havolasini va QR-kodni bosish kerak.
Jadvalli xabarlar
Kechiktirilgan xabarlar funksiyasi paydo bo‘ldi: endi xabarlarni to‘rt haftagacha oldindan yuborishni rejalashtirish mumkin. Buning uchun “Yuborish” tugmasini bosib turish kerak bo‘ladi.
https://www.spot.uz/media/img/2025/02/lWIBqs17400480836900_b.jpg
