Poytaxtda bayram qanday o‘tadi?

Prezidentning 2023-yil 22-dekabrdagi “2024 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga binoan, Navro‘z bayramini nishonlash maqsadida 21-24 mart kunlari dam olish kunlari etib belgilangandi. Ramazon oyi bo‘lishiga qaramasdan Navro‘z bayrami respublikada o‘z vaqtida nishonlanadigan bo‘ldi. 

Bayram markazlari

Shu munosabati bilan Toshkent shahar hokimligi qaysi hududlarda sayllar tashkil etilishi bo‘yicha ma’lumot berdi. Unga ko‘ra, poytaxtda bayram kunlari asosiy tantanalar “Yangi O‘zbekiston” va “Navro‘z” madaniyat va istirohat bog‘larida bo‘lib o‘tishi rejalashtirilgan.

Shu bilan birga, tumanlarda ham Navro‘z sayllari bo‘lib o‘tadi. Bular:

- Bektemir tumani: Coca-Cola Garden bog‘i 19 mart kuni;

- Uchtepa tumani: “Seul eko bog‘i” 19 mart kuni;

- Shayxontohur tumani: “Tashkent City” bog‘i 19-23 mart kunlari;

- Yunusobod tumani: “O‘zekspomarkaz” hududida 20 mart kuni;

- Mirobod tumani: “Furqat” madaniyat va istirohat bog‘i 21-24 mart kunlari;

- Mirzo Ulug‘bek tumani “Markaziy istirohat bog‘i” 21-24 mart kunlari;

- Sergeli tumani: “Markaziy xiyobon” (mo‘ljal: Sergeli hokimligi) 21 mart kuni;

- Olmazor tumani: Yoshlik shaharchasi, Beruniy maydoni 19 mart kuni;

- Yakkasaroy tumani: “Seoul Mun” hamda “Next” ko‘ngilochar maskanlari 21-24 mart kunlari;

- Yangihayot tumani: “Tashkent Index” savdo majmuasi 20 mart kuni;

- Yashnobod tumani: “Ashxobod sayilgohi” 21-24 mart kunlari;

- Chilonzor tumani: “G‘afur G‘ulom” bog‘i 21-24 mart kunlari.

Jamoat transportlari

“Toshshahartransxizmat” AJ ham bayram munosabati bilan avtobus saroylariga biriktirilgan avtobus yo‘nalishlarining faoliyati qanday tartibda tashkil etilishi to‘g‘risida ma’lumot berdi.

Unga ko‘ra:

- 2024-yil 21-mart, payshanba - Navro‘z bayrami, dam olish kuni. Yakshanba kunlari uchun tasdiqlangan jadvallar asosida;

- 2024-yil 22-mart, juma - dam olish kuni. Yakshanba kunlari uchun tasdiqlangan jadvallar asosida;

- 2024-yil 23-mart, shanba - dam olish kuni. Yakshanba kunlari uchun tasdiqlangan jadvallar asosida;

- 2024-yil 24-mart, yakshanba - dam olish kuni. Yakshanba kunlari uchun tasdiqlangan jadvallar asosida.