Tramp ma’muriyatidagi o‘zbekistonlik: Serhio Gor nega tug‘ilgan joyi borasida yolg‘on ma’lumot bergan?

📍 Donald Tramp ma’muriyatidagi asosiy shaxslardan biri, kadrlar tanlovi va tekshiruviga mas’ul bo‘lgan Serhio Gor, o‘zini Malta orolidan chiqqan muhojir deb tanishtirgan, ammo aslida O‘zbekistonda tug‘ilgan. Bu haqda Times of Malta nashri rasmiy hujjatlarga asoslanib xabar berdi.

🧐 Gorning shaxsiy tarixi:

– 38 yoshli Serhio Gor uzoq vaqt davomida o‘zini Malta fuqarosi deb ko‘rsatib kelgan.

– Ammo Malta rasmiylari uning tug‘ilganligi haqida hech qanday yozuvga ega emasliklarini ma’lum qilishdi.

– Gor esa bu savollardan qochib, faqat "Men Rossiyada tug‘ilmaganman" deb javob bergan.

📅 Tug‘ilgan joyi va oilasi:

– Serhio Gor 1986-yil 30-noyabrda Toshkentda tug‘ilgan.

– Uning onasi Liya Goroxovskaya esa 1994-yilda Maltaga ko‘chib o‘tgan va Isroil fuqarosi sifatida ro‘yxatdan o‘tkazilib, biznes ochgan.

💼 Maxfiylik va siyosiy oqibatlar:

– Serhio Gor 2021-yilda Maltada uy sotib olayotganda rasmiy hujjatlarda tug‘ilgan joyi sifatida O‘zbekistonni ko‘rsatgan.

– Bu holat shov-shuvga sabab bo‘ldi, chunki Gor AQShda maxfiy ma’lumotlarga doimiy kirish uchun majburiy bo‘lgan SF-86 shaklini taqdim qilmagan.

– Oq uy bu anketani to‘ldirganini bildirgan bo‘lsa-da, uni topshirganiga oid hech qanday dalil taqdim etilmagan.

⚖️ Vaqtinchalik maxfiy ma’lumotlarga kirish ruxsati:

– Gorning vaqtinchalik maxfiy ma’lumotlarga kirish ruxsati iyul oyida tugaydi, bu esa uning Oq uyda 4 mingdan ortiq lavozim tayinlovlari ustidan nazorat yuritish vakolatini xavf ostiga qo‘yadi.

📉 Siyosiy xavotirlar:

– Tramp atrofidagi manbalar bu holatdan hayratda. Ba’zilarning fikricha, Gor ataylab o‘zining asl kelib chiqishini yashirgan.

– Bu fosh etilish Gorning siyosiy obro‘siga jiddiy zarba bo‘lishi mumkin.