ФВВ нинг икки нафар ходими коронавирусдан вафот этди

ФВВ тизимида икки нафар ходим коронавирус асоратлари туфайли вафот этди. Бу ҳақида вазирликнинг Матбуот хизмати хабар берди.

Маълум қилинишича, Қўнғирот тумани Фавқулодда вазиятлар бўлими бошлиғи подполковник Акимов Куанишбай ҳамда Хоразм вилояти Фавқулодда вазиятлар бошқармаси Қўшкўпир тумани Фавқулодда вазиятлар бўлими бошлиғи маёр Жаббаров Дониёр коронавирус ифексияси билан хасталаниб, шифохонага ётқизилган.

Подполковник Акимов Куанишбай Мирзабаевич 1979 йил Қорақалпоғистон Республикасининг Нукус шаҳрида туғилган. У 20 йилдан ортиқ муддат давомида Қорақалпоғистон Республикасининг Ёнғин хавфсизлиги бошқармасида турли лавозимларда хизмат қилиб келган.

Маёр Жаббаров Дониёр Рахимович 1981 йил Хоразм вилояти Қўшкўпир туманидан туғилган. Вазирлик тизимида 2005 йил апрел ойидан буён турли лавозимларда хизмат қилган.

Ҳар иккала ходим касалликни хизмат вазифасини бажариш вақтида юқтириб олганлиги айтилмоқда.