Франция билан қиймати 1 млрд евродан ортиқ бўлган стратегик ҳамкорлик дастури имзоланади

Айни дамда Президент Шавкат Мирзиёев Парижда Франция тараққиёт агентлиги раҳбарияти билан учрашув ўтказмоқда.

Музокаралар якунида умумий қиймати 1 миллиард евродан зиёд бўлган «яшил» иқтисодиёт ва хусусий сектор лойиҳаларини амалга ошириш кўзда тутилган 2025 йилгача стратегик ҳамкорлик дастури қабул қилиниши кутилмоқда.

Учрашувда давлат-хусусий шериклик механизмларини жорий қилишга алоҳида эътибор қаратилмоқда.