Сирдарёлик “кичкина шаҳзода” — Ўзбекистоннинг энг қиммат иккинчи ўйинчиси

Ёшлигидан Европанинг топ клубларида ўйнаш истагида улғайган Аббосбек Файзуллаев тобора ўз орзусига яқинлашаётгандек. “Transfermarkt” портали Россия Пример Лигаси футболчиларининг трансфер нархларини янгилади. Унга кўра Аббосбек Файзуллаевнинг эндиликдаги нархи 4 миллион еврони ташкил қилади.

Фақат Элдор қолди

Файзуллаев бундан бир йил аввал, хаттоки, Ўзбекистоннинг энг қиммат 10 футболчиси сафига ҳам кирмас эди. Октябрь ойига келиб, Аббосбек Машарипов билан бир хил нархга баҳолана бошлади —2 миллион евро. Охирги ўзгаришлардан сўнг, "кичкина шаҳзода"нинг олдида фақатгина Элдор Шомуродов қолди. Орадаги фарқ — 2 миллион евро. Шундай қилиб, эндиликда Аббосбек Файзуллаев ютимизнинг энг қиммат иккинчи рақамли футболчиси. 

Рақамлар гапирганда

Маълумот учун, Аббос мавсумни “Пахтакор” сафида бошлаб, ҳозирда Москванинг “ЦСКА” клуби шарафини ҳимоя қилмоқда. Аббос "шерлар" таркибида 6 та расмий ўйинда майдонга тушиб, икки гол ва битта ассистга муаллифлик қилди. ЦСКА таркибида бугунга қадар 18 та расмий ўйинда иштирок этиб, 6 та ассист ва 2 гол муаллифи бўлишга эришди. Шунинг билан бирга, Аббос 6 та ўйинда энг яхши ўйинчи ва клубида ойнинг эяхши ўйнчиси бўлишга ҳам улгурди.