Фарғонада 34 ёшли аёл ваҳшийларча ўлдирилган

Фарғонанинг Бувайда туманида 34 ёшли аёл ваҳшийларча ўлдирилгани ҳақида хабарлар тарқалди. Вилоят прокуратураси бунга муносабат билдирди.

Қайд этилишича, ҳозирда мазкур ҳолат юзасидан Бувайда туман прокуратураси томонидан терговга қадар текширув ҳаракатлари олиб борилмоқда. Ўлим сабабларини аниқлаш учун судга оид тиббий экспертиза тайинланган.

Терговга қадар текширув вилоят прокуратураси томонидан назоратга олинган.