COVID-19 га қарши вакциналар

ЖССТ маълумотига кўра, коронавирусга қарши вакцинани ишлаб чиқиш билан дунёнинг турли мамлакатларида 180 га яқин тадқиқот гуруҳлари шуғулланмоқда. Уларнинг катта қисми ҳали клиник синовлардан ўтмаган, айримлари кўнгилли одамларда синаб кўрилмоқда.

Препаратларнинг аниқ нархи ҳозирча номаълум. Қатор компаниялар фақат тахминий баҳосини айтишган. Масалан, Pfizer фармкорпорацияси вакцинанинг битта даволаниш курсини деярли 40 доллар ёки битта дозасини 19,5 доллар дея нархламоқда. Moderna компанияси эмлаш курси учун 50-60 доллар, битта доза учун 25-30 доллар атрофида, AstraZeneca компанияси эса битта доза учун 3-4 доллар нарх белгилаган.