15 августдан Чорвоқда чўмилиш ва дам олиш мумкин

Чорвоқдаги дам олиш зоналарида дам олиш ва чўмилишга рухсат берилади. Бу ҳақда Ўзбекистон Республикаси Бош вазир ўринбосари – Республика махсус комиссияси аъзоси – Туризмни ривожлантириш давлат қўмитаси раиси Азиз Абдуҳакимов ЎзАга маълум қилди.

Маълумки, кеча Президент Шавкат Мирзиёев раислигида ўтказилган видеоселектор йиғилишида 15 августдан карантин талабларини босқичма-босқич юмшатиш бўйича берилган топшириқлар берилди. Ана шу топшириклар доирасида Тошкент вилояти Бўстонлиқ туманидаги Чорвоқ сув омборида аҳолига чўмилиш ва кўнгилочар воситалар бўйича барча чекловлар ечилиб, улардан фойдаланишга рухсат берилди.