Имтиҳонларнинг 1-куни: 1-сменада 37 нафар абитуриент тестдан четлаштирилди

Маълумки, 2 сентябрдан ОТМларга кириш имтиҳонлари старт олди. Бугунги тест синовларининг 1-сменасида 59 минг 250 нафар абитуриент тест топшириши режалаштирилганди. Улардан 55 минг 767 нафари иштирок этди. 3474 нафар абитуриент турли сабабларга кўра тестга келмади.

Бир нафар абитуриентнинг тана ҳарорати баланд бўлганлиги учун тестга киритилмади ва далолатнома тузилди.

8 нафар абитуриент кириш жойида тест синовларидан четлаштирилди. Хусусан, уларнинг 4 нафари телефон, 1 нафари «шпаргалка», 2 нафари бошқа абитуриент ўрнига кирмоқчи бўлгани, 1 нафари ҳужжатни сохталаштиргани учун четлаштирилган.

Тест синовлари жараёнларида тартиб-қоидани бузганлиги учун 29 нафар абитуриент тестдан четлаштирилди. Жумладан, уларнинг 26 нафари телефон ва бошқа турли электрон воситалардан фойдаланган, 1 нафари «шпаргалка», 1 нафари калькулятор ва 1 нафари сохта ҳужжат билан тестга кирган.