«Бунёдкор» – «Бухоро» учрашуви яна «Пахтакор» стадионида ўтказилади

Бугун соат 17:00да Ўзбекистон Суперлигаси доирасида «Бунёдкор» ва «Бухоро» жамоалари ўзаро тўқнаш келади. Ушбу учрашув «Пахтакор» стадионида ўтказилиши ҳақида ПФЛ бош директори Диёр Имомхўжаев ўз телеграм-каналида маълум қилди. “Пандемия мураккабликлари сабаб илк марта мана шу жамоаларнинг ўзаро учрашувлари қолдирилганди. Кейинчалик у марказлаштирилган мусобақа олдидан «Пахтакор» стадионида ташкил этилган. Сир эмаски, жорий мавсум Бухородаги стадион таъмирдан чиқиши керак эди, аммо бугунги ҳаракатлардан келиб чиқилса, стадион 2021 йилнинг апрель ойига ҳам тайёр бўлмаслиги мумкин. Бугунги учрашув ҳам икки жамоанинг ўзаро келишувига кўра «Пахтакор» стадионида бўлиб ўтади” – деб ёзади Диёр Имомхўжаев.

Спорт оламидаги қайноқ ҳабарлар бу ерда.