Ботир Хусанбоев (Botir Khusanboev) “YULDUZ CINEMA” ҲАҚИДА!

Ҳозирги кунда Пойтахтимиз Тошкентдаги энг машҳур кинотеатрлардан бири сифатида эътироф этилаётган “Yulduz Cinema” кинотеатрига тадбиркор Ботир Ҳусанбоев томонидан асос солиниб, собиқ “Premier Hall” кинотеатри ўрнида ребрендинг қилинган.

Кинотеатрнинг тантанали очилиш маросими, 2021 йил сентябрда “Ипак йўли дурдонаси” кинофестивали доирасида бўлиб ўтган. Тантанали очилиш маросимида мазкур кинотеатр эгаси тадбиркор Ботир Ҳусанбоевдан ташқари, Ўзбекистон Киноматография агентлиги бош директори Фирдавс Абдухаликов, таниқли Россиялик кинорежиссёр Никита Михалков, «Роскино» бош директори Евгения Маркова ва бошқа таниқли ижодкорлар иштирок этишган. Кинотеатрнинг илк премьераси “Бэтмен” фильми бўлган.

Кинотеатр номининг “Yulduz Cinema” деб, ребрендинг қилинишига сабаб, кинотеатр эгаси Ботир Ҳусанбоев томонидан “Юлдуздек порлаб турсин” деган яхши ният билан ўзбекона ном танланган.

Кинотеатрни ребрендинг қилиш ва бугунги кунда ўз нуфузига эга “Yulduz Cinema” кинотеатрига айлантириш осон кечмаган. Кинотеатр эгаси тадбиркор Ботир Ҳусанбоевнинг сўзларига кўра, кинотеатр ичидаги 3 та зал тўлиқ янгича услубда таъмирланган. Шунингдек, кинотеатрга дунёдаги энг яхши ва сифатли техник воситалар олиб келиб жойлаштирилган. Ботир Ҳусанбоев томонидан кинотеатрга испан креслолари, Германия техникаси, яъни, проектор, экранлар, АҚШ нинг JBL компанияси овоз тизими (звуковая система) ўрнатилган. Ўзбекистон Кинотеатрлари тизимида ривожланиш бўлиши, юқори савияли кинотеатр сифатида эътироф этилиши учун ҳам, сифат учун ҳам, тадбиркор мазкур кинотеатрга катта маблағ сарфлаган. Яъни, у томошабинлар, фильм кўрганда, юқори сифатда ва юқори қулайликда кўришларини истайди. Томошабинлар учун янада қулайлик яратиш мақсадида, кинотеатр ичида бар ҳам жойлаштирилган. Шунингдек, яқин кунларда тадбиркор кинотеатр ёнига шинам оилавий ресторан қуришни режалаштирмоқда.

Айни вақтда “Yulduz Cinema” кинотеатрида “Менинг тўйим”, “Барон 2”, “101 рейс” каби бир қатор машҳур ўзбек фильмларининг премьералари бўлиб ўтди. Шунингдек, яқинда “Россия киноси кунлари” доирасида, Россиялик таниқли актёр Сергей Безруковнинг “Жаноб Нокаут” фильмини премьераси ҳам, “Yulduz Cinema” да ўтказилди.

Кинотеатр эгаси тадбиркор Ботир Ҳусанбоевнинг мазкур кинотеатр билан боғлиқ режалари кўп. У келгуси йилда Самарқандда “Yulduz Cinema”нинг катта бир филиалини очиш ҳаракатида. Шунингдек, 2025 йилгача Ўзбекистон бўйлаб, “Yulduz Cinema” кинотеатрининг 5 та филиалини очишни режалаштирган.

“Yulduz Cinema” кинотеатри эгаси тадбиркор Ботир Ҳусанбоев ўз кинотеатрида намойиш қилинадиган фильмларни маънавиятимизга хослиги, мазмун-моҳияти, ҳамда менталитетимизга мос келишига қараб танлайди. Менталитетимизга хос бўлмаган, инсон психологиясига салбий таъсир кўрсатадиган, савиясиз фильмларни ҳеч қачон кинотеатрида намойиш эттирмайди. Шу жиҳатларига кўра ҳам, “Yulduz Cinema” кинотеатри оилавий фильм кўришни истайдиган кино ихлосмандлари учун жуда мос.

Мазкур кинотеатрга оила аъзоларингиз билан бемалол ташриф буюриб, мазмунли фильмларни юқори сифатда кўришингиз, кинотеатр ичидаги барда салқин ичимликлардан баҳраманд бўлишингиз мумкин.

“Юз марта гапиргандан, бир марта кўрган афзал” деганларидек, “Yulduz Cinema” кинотеатрига оилавий ташриф буюринг ва энг яхши фильмлардан, энг юқори сифатда баҳраманд бўлинг!