Абдулла Арипов Сўх туманига борди

Ўзбекистон миллий ахборот агентлигининг хабар беришича, айни пайтда Сўх туманида Ўзбекистон Республикаси Бош вазири Абдулла Арипов иштирокида фаоллар йиғилиши бўлиб ўтмоқда.

Маълумки, Президент Шавкат Мирзиёев 2020 йил 8 август куни “2020-2021 йилларда Фарғона вилоятининг Сўх туманини комплекс ижтимоий-иқтисодий ривожлантириш чора-тадбирлари тўғрисида”ги қарорни қабул қилди.

Унда тасдиқланган дастурга 146 та лойиҳа киритилган бўлиб, 639 миллиард сўм маблағ сарф этилади.

Йиғилишда ана шу қарорда белгиланган вазифалар муҳокама қилиняпти.