1 апрелдан бошлаб боғча пуллари 15 %га қимматлашиши мумкин

2021 йил 1 апрелдан бошлаб болалар боғчалари учун тўловлар 15 фоизга қимматлашиши кутилмоқда. Бу Вазирлар маҳкамаси қарори лойиҳасида келтирилган.

Унга кўра, давлат мактабгача таълим ташкилотларида болалар таъминоти учун ота-оналар тўлови ўртача 15 фоизга оширилади.

Бунга 2020 йилда озиқ-овқат маҳсулотлари нархларининг ўртача ўсиш даражаси 15,3%ни ташкил этганлиги, ҳамда 2021 йил учун Давлат бюджети тўғрисидаги қонунга асосан, жорий йилда истеъмол нархлари индекси 9-10% миқдорда бўлиши прогноз қилинганлиги сабаб қилиб кўрсатилмоқда.