Ўзбекистонда коронавирусга чалинганлар 19 мингдан ошди

2020 йил 24 июль соат 17:00 ҳолатига кўра, Ўзбекистонда коронавирус инфекцияси қайд этилганлар сони 193 тага кўпайиб 19 179 нафарни ташкил этмоқда.

Янги касалланиш ҳолатларининг 106 нафари Тошкент шаҳрида, 52 нафари Қашқадарё вилоятида ҳамда 35 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Бугун ҳозирга қадар Андижон вилоятида 45 нафар, Навоий вилоятида 9 нафар, жами 54 нафар бемор тузалди.

Шунингдек, кун давомида яна 54 бемор тузалиб, коронавирус инфекциясидан соғайган фуқаролар 10 203 нафарга (53 фоиз) етди.

Ҳозирда 8 872 нафар беморга шифокорлар томонидан белгиланган стандартлар бўйича даво чоралари кўрилмоқда.