Аёллар чемпионатида 2020 йилги формат ўзгаради

Ўзбекистон Профессионал футбол лигаси пандемия сабабли бир қатор мусобақаларни ўзгартириш юзасидан клубларга таклиф билан чиқишган эди. Айни шундай таклифлардан бири Аёллар чемпионати бўйича клублар билан фикр алмашинилди ва 2020 йилги чемпионат форматига ўзгартириш киритилди. 

“I давра учрашувларидан кейин жадвалдаги жамоалар тенг икки қисмга бўлиниши ва ҳар бир қисм жамоалари ўзаро яна бир мартадан тўқнаш келиши, бу билан ўйинлар сонини 5 тага қисқартириб, 17 та тур билан мавсумни якунлаш таклифи илгари сурилди. Таклиф 8 та клуб — «Андижанка», «Пахтакор», «Бухоро», «Металлург», АГМК, «Сурхон», «Қизилқум» ҳамда «Севинч» томонидан қўллаб-қувватланди. Аммо бунинг учун юқорида қайд этилганидек, «Андижанка» қолдирилган ўйинларини ўтказиб олиши керак бўлади. Бу эса бизга дастлабки ва кейинги олтилик жамоаларини аниқлаб олишга ёрдам беради. Бу билан ноябрь ойидаги 5 та учрашув билан чемпионат ўйинларига якун ясаш имконияти пайдо бўлади. Бироқ бунда ўйинлар яна қолдирилмаслиги масаласи ҳам муҳим аҳамият касб этади. Ҳар бир жамоа бўлажак рақибини I давра ўз майдонида қабул қилган бўлса, эндиликда унинг уйига сафар этади ёки шунинг акси. Декабрь ойи эса кубок учрашувлари учун аталиши мумкин. Бу борада клублар билан алоҳида фикр алмашинилади” – дейилади ЎзПФЛ баёнотида.

Спорт оламидаги қайноқ ҳабарлар бу ерда.