Ўзбеккино Суриядан Ватанга қайтарилган аёл ҳақида фильм суратга олмоқчи

“Ўзбеккино” Миллий агентлиги буюртмасига биноан Central Asian Trade Company (CATC) ҳамда "Dilshoh media" киностудиялари ҳамкорлигида “Аёл қисмати” бадиий фильми суратга олинади, дея хабар бермоқда агентлик Матбуот хизмати.

Маълум қилинишича, фильм Президент Шавкат Мирзиёевнинг 2019 йил май ойидаги махсус топшириғи асосида адашиб Сурияга кетган ўзбекистонликларни Ватанга қайтариш юзасидан амалга оширилган махсус операция ҳақида бўлиб, унда хорижга кетган Феруза исмли аёлнинг аянчли тақдири, ватанига қайтишдаги кечинмалари ҳикоя қилинади.

“Ҳозирда фильмни суратга олиш учун жойлар танлаш ва бошқа тайёргарлик жараёнлари кетмоқда”, дейилади хабарда.