Yana bir amirlikka to‘g‘ridan-to‘g‘ri aviaqatnovlar yo‘lga qo‘yilmoqda

“Air Arabia” aviakompaniyasi Toshkentdan to‘g‘ridan-to‘g‘ri reyslarni yo‘lga qo‘yishni rejalashtirmoqda.

Parvoz haftaning juma kunlarida yo‘lga qo‘yiladi

Ma’lum bo‘lishicha, “Air Arabia” 27-dekabrdan qish mavsumi uchun Ras al-Xayma amirligiga to‘g‘ridan-to‘g‘ri reyslarni yo‘lga qo‘yishni rejalashtirmoqda. Parvozlar haftada bir marta juma kunlari qulay Airbus 320 samolyotlarida amalga oshiriladi.

“Air Arabia” - shtab-kvartirasi Sharjada (BAA) joylashgan arab loukoster aviakompaniyasi bo‘lib, Sharja va Iskandariya aeroportlaridan, shuningdek Marokashning to‘rtta aeroportidan Yaqin Sharq, Janubi-Sharqiy Osiyo, Yevropa va MDH mamlakatlariga yo‘lovchi tashuvlarini amalga oshiradi.

Eslatib o‘tamiz, avvalroq Toshkent-Lahor-Toshkent yo‘nalishida to‘g‘ridan-to‘g‘ri havo aviaqatnovlar yo‘lga qo‘yilishi hamda “O‘zbekiston prezidenti tashabbusi bilan pokistonliklar uchun viza rasmiylashtirish tartibining soddalashtirilayotgani haqida xababr berilgan edi.