$
 12600.14
10.14
 13642.17
-23.02
 135.92
-0.05
weather
+26
Кечаси   +14°

АОКА га янги раҳбар тайинланди

АОКА га янги раҳбар тайинланди Асаджон Хўжаев

.Асаджон Хўжаев Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигига директор этиб тайинланди. Бу ҳақда 29 июль куни Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Президент Администрацияси раҳбари Зайнилобиддин Низомиддинов бошчилигида бўлиб ўтган кенгайтирилган йиғилишда маълум қилинди.

Маълумот учун, Асаджон Хўжаев 2003–2004 йилларда Ўзбекистон Республикаси Президенти ҳузуридаги Миллий хавфсизлик кенгаши аппаратининг етакчи консультанти, Ахборот-коммуникация технологиялари ва ахборот хавфсизлигини ривожлантириш лойиҳаси раҳбари ўринбосари лавозимларида ишлаган.

2004–2011 йилларда Ўзбекистон алоқа ва ахборотлаштириш агентлиги Бош директорининг ўринбосари, 2011-2012 йилларда Ўзбекистон Республикаси Интеллектуал мулк агентлиги Бош директори, 2012-2017 йилларда Алишер Навоий номидаги Ўзбекистон Миллий кутубхонаси директори, Ўзбекистон Республикаси бош вазири аппарати мудири бўлган.

У 2017 йилнинг мартидан августигача Ўзбекистон Республикаси президенти Давлат маслаҳатчиси ўринбосари – Ўзбекистон Республикаси президенти матбуот хизмати раҳбари бўлган. Кейинроқ Ўзбекистон биринчи президенти Ислом Каримов номидаги Илмий-маърифий ёдгорлик мажмуаси раҳбарининг биринчи ўринбосари, 2018 йил август ойидан Ахборот хавфсизлиги ва жамоат тартибини таъминлашга кўмаклашиш маркази директори лавозимларида фаолият кўрсатган. У 2019 йилнинг ноябрида Ахборотлаштириш ва телекоммуникациялар соҳасида назорат бўйича давлат инспекциясининг бошлиғи лавозимига тайинланганди.

Эслатиб ўтамиз, бунгача агентлик директори вазифасини Дилшод Саиджанов бажариб келаётганди. У бу лавозимга жорий йилнинг январь ойида тайинланганди.