Кеча антирекорд янгиланди. 749 ҳолатда касаллик қайд этилди

Соғлиқни сақлаш вазирлиги маълумотларига кўра, 10 сентябрь куни Ўзбекистон бўйлаб 749 ҳолатда касаллик қайд этилган.

Бундан аввалги антирекорди, 3 август куни қайд этилганди (бир кунда 748 ҳолат).

Шу билан бирга, Тошкент вилоятида 4 нафар, Тошкент шаҳрида 3 нафар, жами 7 нафар коронавирусга чалинган бемор вафот этди.

Шунингдек, кечаТошкент шаҳри, Қорақалпоғистон Республикаси, Тошкент, Самарқанд, Наманган, Бухоро, Сурхондарё, Қашқадарё ҳамда Андижон вилоятларида жами 343 нафар бемор соғайди.

Ҳозирда касаллик қайд этилган жами 45 679 нафар бемордан 42 555 нафари соғайиб, даволаниш кўрсаткичи 93 фоизни ташкил этмоқда.

Айни пайтда тиббиёт муассасаларида даволанаётган 2 751 нафар бемордан 439 нафари оғир, 219 нафари эса ўта оғир аҳволда.