Андижон вилояти ҳокими ўринбосари ишдан кетди

Андижон вилояти ҳокимлиги Матбуот хизмати ижтимоий тармоқларда тарқалаётган Андижон вилоят ҳокимининг ўринбосари Манзурахон Юнусова ишдан кетишига оид хабарларга расмий муносабат билдирди.

Маълум қилинишича, М.П.Юнусова 2020 йилга қадар Андижон вилояти ҳокимининг ўринбосари, Маҳалла ва оилани қўллаб қувватлаш бошқармаси бошлиғи лавозимида фаолият юритган. Ҳозирги кунда ўз аризасига биноан вазифасидан озод этилган.

“Давлатимиз томонидан таълим йўналишига берилаётган эътиборни инобатга олиб Сиёсий фанлар номзоди М.П.Юнусова кейинги фаолиятини таълим тизимида олиб боради”, дейилади хабарда.