Алишер Қодиров аёлларнинг «декрет» пули мавзусига тўхталди

"2024 йил учун Ўзбекистон бюджетидаги ижтимоий бандларга тузатиш киритиш хусусий секторда ишлаётган аёлларга тўланадиган «декрет» пуллари миқдорига таъсир қилмайди", деди Олий Мажлис Қонунчилик палатаси депутати, "Миллий тикланиш" партияси етакчиси Алишер Қодиров.

У, шунингдек, Ўзбекистон ҳукуматининг аёллар учун декрет пулларини тежаш нияти йўқлигини, керак бўлса бу мақсадлар учун кўпроқ маблағ ажратилишини қўшимча қилди.

Шунингдек, депутат хусусий секторда фаолият юритувчи аёллар декрет пуллари бўйича камроқ мурожаат қилишини айтди. 

Маълумот учун, Ўзбекистонда 2022 йил сентябрдан бошлаб оналик тўловларининг бир қисмини давлат бюджети ҳисобидан тўлаш тартиби жорий этилган.