Ўзбекистонда АИ-80 бензин нархи арзонлашади

Ўзбекистонда АИ-80 бензини учун акциз солиғининг бекор қилиниши унинг 1000−1200 сўмгача арзонлашиши ҳамда АЁҚШларда 5500 сўм атрофида сотилишига олиб келиши кутилмоқда.

АИ-80 бензини учун акциз солиғининг бекор қилиниши ушбу маркадаги бензиннинг АЁҚШларда сотилаётган чакана нархининг 1000−1200 сўмга арзонлашишига олиб келиши керак. Бу ҳақда Ўзбекистон энергетика вазири ўринбосари Шерзод Ходжаев маълум қилди.

Унинг қўшимча қилишича, бугунги кунда АИ-80 бензининг нархи 5500 сўмгача пасайиши кутилмоқда.

«Таъкидлаш жоизки, биржага чиқарилаётган ҳажмлар ҳам ортган ҳамда биржада бошланғич нархдан 5 фоиздан ортиқ бўлмаган нархни ошириш мумкинлигини инобатга олган ҳолда, 5500 сўмлик нарх яқин кунларда биз АЁҚШларда кўришимиз мумкин бўлган рақам», — деди у.

Эслатиб ўтамиз, аввалроқ президент Администрацияси 2 ой муддатга АИ-80 бензини импорти учун акциз солиғи ва уни чакана сотиш учун акциз солиғини ҳисоблаш ва ундиришни тўхтатиб туриш ҳақида қарор қабул қилган эди.