Одил Аҳмедов “Шанхай СИПГ” клубини тарк этяпти

Футбол бўйича Ўзбекистон миллий терма жамоаси ярим ҳимоячиси Одил Аҳмедов Хитойнинг “Шанхай СИПГ” клубидаги фаолиятини якунлаб, бошқа жамоада давом эттиради. Бу ҳақда футболчининг ўзи Tribuna.uz сайтига маълум қилган.

Футболчи айни пайтда Хитойнинг бошқа бир жамоаси – “Тьянцзинь Тэда” билан келишувга эришган.

Маълумот учун, Одил Аҳмедов жорий мавсумда клуби сафида 8 ўйинда майдонга тушиб, битта гол ва битта голли узатмага муаллифлик қилган.