Зангиотадаги «Метан» газ қуйиш шохобчасида «Labo» автомашинаси ёниб кетди

Тошкент вилоятидаги “Метан” газ қуйиш шохобчасида “Labo” автомашинаси ёниб кетди. Бу ҳақда ИИВ ахборот хизмати хабар берди.

Хабарга кўра, 3 ноябрь куни соат 19:30 ларда Зангиота туманида жойлашган “Метан” газ қуйиш шохобчасида ҳайдовчи Ш.Ҳ. газ тўлдириб бўлгач улагич мосламасини узмасдан “Labo” русумли, 01 267 BFA давлат рақам белгили транспорт воситасида ҳаракатланганлиги оқибатида ёнғин юзага келган. Ёнғин ўт ўчирувчилар томонидан бартараф этилган.

Ушбу ёнғин натижасида тан жароҳати олганлар йўқлиги хабар қилинмоқда.

Мазкур ҳолат юзасидан Зангиота тумани ИИБ ЙҲХБ ва ФВБ томонидан суриштирув ишлари олиб борилмоқда.