«Ўзбекистон Республикасида хизмат кўрсатган ўрмончи» фахрий унвони таъсис этилади

«Ўзбекистон Республикасида хизмат кўрсатган ўрмончи» фахрий унвонини таъсис этиш тўғрисида Ўрмон хўжалиги давлат қўмитасининг қонун лойиҳаси норматив-ҳуқуқий ҳужжатлар лойиҳалари порталига муҳокамага қўйилиди.

Унга кўра, Ўзбекистон Республикасида хизмат кўрсатган ўрмончи” фахрий унвони таъсис этилади. Ушбу кўкрак нишон диаметри 30 миллиметрли доира шаклида бўлади ва 925 пробали кумушдан тайёрланади. Нишоннинг қалинлиги 2,2 миллиметр ташкил этади.

Шунингдек, нишоннинг ҳошияланган текис юз томонида тоғ чуққилари узра нур таратиб турган қуёш фонида кўп йиллик ўрмон дарахти, парвоз қилаётган қуш, тоғ эчкиси ва бухоро буғиси, пастки ўнг чеккасида дафна новдаси тасвирланган. Нишоннинг айланаси бўйлаб “ХIZМАТ КО’RSATGAN O’RМONCHI” деган ёзув жой олган. Нишоннинг орқа томонида Ўзбекистон Республикасининг Давлат герби тасвирланган. Тасвирлар ва ёзув қабариқ бўлади.

Ушбу фахрий унвон ўрмон хўжалиги соҳасининг, ўрмон хўжалиги илмий-тадқиқот муассасалари ва ўқув юртларининг ўрмон фондини муҳофаза қилиш, кўпайтириш, ундан оқилона фойдаланиш ҳамда ўрмон хўжалиги соҳасини ривожлантиришда алоҳида хизмат кўрсатган ходимларига берилади.