Ўзбекистондаги хусусий мактабларда 21 минг нафар ўқувчи таҳсил олаётгани маълум қилинди

Ўзбекистондаги нодавлат умумтаълим муассасаларида 21 минг нафар ўқувчи таҳсил олмоқда. Бу ҳақда Статистика қўмитаси ахборот хизмати хабар қилди.

Қайд этилишича, Ўзбекистонда 2019-2020- ўқув йили бошида жами 10090 та умумтаълим муассасалари фаолият юритган бўлиб, уларда таҳсил олаётган ўқувчилар сони 6168,2 минг нафарни ташкил этади.

Шундан нодавлат умумтаълим муассасалари сони 91 та бўлиб, ушбу муассасаларда жами 21 минг нафар ўқувчи таҳсил олмоқда.

Маълумот ўрнида, 2018 йилда Ўзбекистонда нодавлат умумтаълим муассасалари сони 38 тани ташкил этган.