2025-yildan xokkey bo‘yicha O‘zbekiston terma jamoasi tashkil etiladi

Mutasaddining ta’kidlashicha, 2025-yildan xokkey bo‘yicha O‘zbekiston milliy terma jamoalari tashkil etiladi.

Rossiyalik xokkeychilar terma jamoaga kiritiladi

Shu maqsadda Toshkentning “Humo“ klubiga tegishli yetti-sakkiz nafar rossiyalik xokkeychi milliy terma jamoa tarkibiga kiritiladi. Hozirda ularni fuqarolikka qabul qilish jarayonlari olib borilmoqda.

Mamlakatimiz xokkey terma jamoalari kelgusi yili ikkita nufuzli musobaqada ishtirok etishi belgilangan. Bular 18 yoshgacha bo‘lganlar hamda kattalar o‘rtasidagi jahon chempionatlaridir.

Eslatib o‘tamiz, kelgusi yilning 13—19-aprel kunlari Armaniston poytaxti Yerevan shahrida o‘tadigan jahon chempionatining IV divizionida O‘zbekiston xokkey terma jamoasi ilk bor ishtirok etadi.