UzCard'га янги директор тайинланди

Юридик шахслар тўғрисидаги очиқ маълумотлар порталида қайд этилишича, "Ягона умумреспублика процессинг маркази" МЧЖ ("UzCard") Бош директори лавозимига Фаррух Ғолибшерович Зияев тайинланган.

Ф.Зияев шу кунгача жамият директорининг биринчи ўринбосари лавозимида ишлаб келган.

Маълумот ўрнида, Ф.Зияев кўпчилик учун таниш бўлган "Payme" тўлов тизими асосчиларидан бири ҳисобланиб, шунингдек, мазкур тўлов тизими қарашли бўлган компания — "Inspired" МЧЖнинг 7,5 фоизлик улушига ҳам эгалик қилади.