Ўзбекистонлик шахматчи қиз энди АҚШ байроғи остида дона суради

Ўзбекистоннинг иккинчи аёл гроссмейстери (биринчиси унинг опаси Нафиса Мўминова) Гулруҳбегим Тоҳиржонова халқаро гроссмейстерлар рейтингида АҚШ байроғи остида пайдо бўлди. Бу унинг АҚШ шахмат федерациясига ўтгани, мусобақаларда Қўшма Штатлар номидан қатнашишини англатади.

Ўзбекистон шахмат федерацияси ҳозирча бу бўйича расмий муносабат билдирмади.

Маълумот учун, Гулруҳбегим Тоҳиржонова 2016 йилда Озарбойжон пойтахти Боку шаҳрида ўтказилган FIDEнинг 87-Конгрессида расман халқаро гроссмейстер этиб тасдиқланган ва Ўзбекистоннинг иккинчи аёл гроссмейстерига айланганди.