Saida Mirziyoyeva nufuzli olimpiadalarda yuqori natijalar qayd etgan yoshlar bilan uchrashdi

Prezident yordamchisi Saida Mirziyoyeva an’anaga ko‘ra, yil yakunida O‘zbekiston Prezidenti Administratsiyasida o‘quvchi yoshlar bilan uchrashdi. Bu haqida u o‘zining ijtimoiy tarmoqlardagi sahifasida ma’lum qildi va tadbirdan fotosuratlarni joyladi.

O‘zbekiston tarixidagi rekord ko‘rsatkich

Uning qayd etishicha, uchrashuvda qatnashgan yoshlar joriy o‘quv yilida nufuzli olimpiadalarda ajoyib natijalar qayd etib, jami 128 ta, jumladan, 15 ta oltin, 36 ta kumush va 77 ta bronza medallarini qo‘lga kiritishgan. Ularning ko‘pchiligi asosan kimyo, matematika, fizika va informatika fanlari bo‘yicha ustunlik qilib, e’tirofga sazovor bo‘lishdi va bu O‘zbekiston tarixidagi rekord ko‘rsatkich hisoblanadi.

Izhor

“Yosh qahramonlarimizni chin qalbimdan tabriklayman, bildirilgan ishonch va qo‘llab-quvvatlash uchun esa ustozlar hamda ota-onalarga minnatdorlik izhor etaman. Bu muvaffaqiyat g‘alabalarga to‘la katta yo‘lning boshlanishi bo‘lsin. O‘zbekiston kelajagi yoshlar qo‘lida!”, deb yozadi S. Mirziyoyeva.