Ushbu yilda O‘zbekistonga qancha turist tashrif buyurgani aniq bo‘ldi

Jami 1,5 ming kishi turistik maqsadda mamlakatga tashrif buyurgan.

3 oylik statistika

2024-yilning birinchi choragida O‘zbekistonga 1 519,3 ming nafar chet el fuqarolari faqat turistik maqsadda tashrif buyurgan. Bu haqda statistika agentligi o‘z Telegram-kanalida ma’lumot berdi.

O‘tgan yilgidan ko‘ra ko‘proq

Ushbu ko‘rsatkich 2023-yilning ayni ushbu davriga nisbatan sezilarli ko‘paygan. O‘tgan yil bilan solishtirganda 31,7 ming nafar yoki 2,1 foizga oshgan.

Eng ko‘p turist Tojikistondan

Joriy yilning yanvar-mart oylarida O‘zbekiston Respublikasiga turistik maqsadlarda kelgan chet el fuqarolaridan eng ko‘pi tojikistonliklar hisoblanadi. 536,5 ming nafar tojik fuqarosi turistik maqsadda, ushbu yilda mamlakatimizga tashrif buyurgan. Undan tashqari, Qirg‘iziston Respublikasidan 442 ming, Qozog‘istondan 262,2 ming kishi sayohat uchun kelgan.

Boshqa davlatlardan kelganlar

Yanvar – mart oylarida quyidagi davlatlardan fuqarolar tashrif buyurgan:

1. Rossiya — 134,2 ming nafar;
2. Turkmaniston — 31 ming nafar;
3. Turkiya — 21,5 ming nafar;
4. Hindiston — 11,6 ming nafar;
5. Xitoy — 10 ming nafar;
6. Janubiy Koreya — 7,6 ming nafar;
7. Germaniya — 3,8 ming nafar;
8. boshqa davlatlar — 58,5 ming nafar.