Shavkat Mirziyoyev Donald Tramp bilan “Tinchlik kengashi” nizomini imzoladi

Bugun, 22-yanvar kuni Shavkat Mirziyoyev AQSh prezidenti tomonidan tashkil etilgan “Tinchlik kengashi” nizomini imzoladi. Hujjatni imzolash marosimi Davosda bo‘lib o‘tayotgan Jahon iqtisodiy forumi doirasida o‘tkazildi. 

Unda Yaqin Sharq va Janubiy Amerika mamlakatlari (Saudiya Arabistoni, Qatar, BAA, Argentina, Paragvay) vakillari, shuningdek, O‘zbekiston prezidenti Shavkat Mirziyoyev, Qozog‘iston prezidenti Qosim-Jo‘mart To‘qayev, Vengriya bosh vaziri Viktor Orban, Armaniston bosh vaziri Nikol Pashinyan, Ozarbayjon prezidenti Ilhom Aliyev va boshqa davlat yetakchilari ishtirok etdi. 

Qayd etilishicha, sahnada Tramp bilan birga yigirmaga yaqin mamlakat vakillari bo‘lgan, ammo Qo‘shma Shtatlarning G‘arbiy Yevropadagi an’anaviy ittifoqchilaridan birortasi ham qatnashmagan.