Messi, Mbappe, Vinisius: FIFA 2024-yilning eng yaxshi futbolchisi bo‘lish uchun nomzodlarni ma’lum qildi

FIFA asta-sekin 2024-yilning eng “yaxshisi” bo'lish uchun nomzodlarni ochiqlamoqda. Tashkilot chiziqlar bo‘yicha yilning eng yaxshisi bo‘lishga nomzodlarni e’lon qildi. 

Eng yaxshi darvozabon

FIFA talqini bo‘yicha 2024-yilning eng yaxshi darvozaboni sovriniga barcha nomzodlar nomi aniqlandi. Eng yaxshi darvozabon bo‘lishga nomzodlar: Janluiji Donnarumma (“PSJ”), Ederson (“Manchester Siti”), Andrey Lunin (“Real”), Mayk Menyan (“Milan”), Emiliano Martines (“Aston Villa”), David Rayya (“Arsenal”), Unay Simon (“Atletik”). Amaldagi g‘olib - Ederson. O‘tgan yil oxirida Tibo Kurtua ikkinchi bo‘lgan bo‘lsa, Yasin Bunu kuchli uchlikni yakunladi.

Eng yaxshi himoyachi

Eng yaxshi himoyachi bo‘lishga da’vogarlar: Manuel Akanji (“Manchester Siti”), Nino (“Zenit”), Bremer (“Yuventus”), Alessandro Bastoni (”Inter”), Liberto Kakache (“Empoli”), Daniel Karvaxal (“Real”), Dante (“Nitssa”), Ruben Diash (“Manchester Siti”), Alfonso Devis (“Bavariya”), Federiko Dimarko (“Inter”), Jeremi Frimpong (“Bayer”), Aleks Grimaldo (“Bayer”), Ashraf Hakimi (“PSJ”), Mats Hummels (“Roma”), Emerik Laport (“An Nasr”), Alister Jonston (“Seltik”), Nikolas Otamendi (“Benfika»), Antonio Ryudiger (“Real”), Vilyam Saliba (“Arsenal”), Jonatan Ta (“Bayer”), Vilyam Troost-Ekong (“Al Xolud”), Gabriel Magalyaes (“Arsenal”).

Eng yaxshi hujumchi

Xalqaro futbol federatsiyasi 2024-yilning eng yaxshi hujumchisi nomiga nomzodlarni taqdim etdi. Nufuzli sovrin uchun Xarri Keyn, Kilian Mbappe, Lautaro Martines va boshqalar da’vogarlik qilmoqda. FIFA sovrini uchun jami 22 nafar futbolchi kurash olib boradi. Eng yaxshi hujumchi bo‘lishga da’vogarlar: Akrom Afif (“As Sadd”), Per-Emerik Obameyang (“Al Qodisiya”), Herman Kano (“Fluminense”), Artyom Dovbik (“Roma”), Viktor Gokeresh (“Sporting”), Erling Holand (“Manchester Siti”), Harri Keyn (“Bavariya”), Ademola Lukman (“Atalanta”), Lautaro Martines (“Inter”), Kilian Mbappe (“Real”), Lionel Messi (“Inter Mayami”), Jamol Musiala (“Bavariya”), Sufian Rahimi (“Al Ayn”), Rodrigo (“Real”), Krishtianu Ronaldu (“An Nasr”), Salomon Rondon (“Pachuka”), Bukayo Saka (“Arsenal”), Luis Suares (“Inter Mayami”), Vinisius Junior (“Real”), Olli Uotkins (“Aston Villa”), Niko Uilyams (“Atletik”), Lamin Yamal (“Barselona”).

Eng yaxshi yarimhimoyachi 

Eng yaxshi yarimhimoyachi bo‘lishga nomzodlar: Lautaro Akosta (“Lanus”), Tiago Almada (“Botafogo”), Aleks Baena (“Vilyarreal»), Jud Bellinghem (“Real»), Hoqon Chalxono‘g‘li (“Inter”), Eduardu Kamavinga (“Real”), Filip Foden (“Manchester Siti”), Toni Kroos (faoliyatini yakunlagan), Ganso (“Fluminense”), Takefusa Kubo (“Real Sosiyedad”), Fermin Lopes (“Barselona”), Martin Edegor (“Arsenal”), Daniel Olmo (“Barselona”), Koul Palmer (“Chelsiv), Kristian Pulishich (“Milan”), Deklan Rays (“Arsenal”), Rodri (“Manchester Siti”), Xames Rodriges (“Rayo Valekano”), Fabian Ruis (“PSJ”), Federiko Valverde (“Real”), Florian Virs (“Bayer”), Granit Jaka (“Bayer”).

Eng yaxshi futbolchi

FIFA 2024-yilning eng yaxshi futbolchisi sovriniga barcha nomzodlar e’lon qilindi. Nomzodlar orasida amaldagi g‘olib, “Inter Mayami” vakili Lionel Messi ham bor. Shuningdek, sovrin uchun “Real Madrid”dan Jud Bellingem, Dani Karvaxal, Federiko Valverde, Kilian Mbappe va Vinisius Junior, “Oltin to‘p”ning amaldagi sohibi Rodri va Erling Xoland (ikkalasi ham “Manchester Siti”), Lamin Yamal (“Barselona”), Florian Virts (“Bayer”) va faoliyatini yakunlagan Toni Kroos da’vogarlik qilmoqda. 2023-yil oxirida Messi mos ravishda ikkinchi va uchinchi o‘rinlarni egallagan Xoland va Mbappeni ortda qoldirgandi.

Eng yaxshi murabbiy

FIFA 2024-yilning eng yaxshi murabbiyi bo'lish uchun ham bir qator nomzodlarni taqdimj etdi. Ma’lumot uchun, ovoz berish FIFA rasmiy saytida o‘tkaziladi. U 10-dekabrgacha davom etadi.