Академик В.Воҳидов номидаги республика ихтисослаштирилган хирургия илмий-амалий тиббиёт марказига янги директор ва унинг маслаҳатчиси тайинланди

Академик В.Воҳидов номидаги республика ихтисослаштирилган хирургия илмий-амалий тиббиёт марказининг директори лавозимига Исмаилов Сайдимурад Ибрагимович тайинланди. Бу ҳақда Соғлиқни сақлаш вазирлиги матбуот хизмати хабар қилди.

Тайинловдан аввал С.Исмаилов Ўзбекистон Республикаси Президенти Администрацияси Ёшлар, фан, таълим, соғлиқни сақлаш ва спорт масалалари бўлинмаси шўъба мудири лавозимларини эгаллаб келган.

Бундан ташқари, ушбу тиббиёт муассасасида директор лавозимида ишлаб келаётган академик Назиров Феруз Гафурович марказ директорининг маслаҳатчиси лавозимига ўтказилди.