“Tashkent City”да ёнғин содир бўлди

“Tashkent City” ҳудудидаги қурилаётган биноларнинг бирида қурилиш жиҳозлари сақланаётган 15 кв.метр майдонда ёнғин содир бўлди. Бу ҳақида Фавқулодда вазиятлар вазирлиги Ахборот хизмати хабар берди.

Маълум қилинишича, бугун 4 ноябрь куни соат 15:37 да қурилиш ишлари олиб борилаётган “Tashkent City”нинг 7-лотида 6 қаватли янги қурилаётган бинонинг 3-қаватида, ишчи-хизматчиларнинг вақтинча фойдаланаётган омборхонасида ёнғин содир бўлган.

Мазкур ҳолат юзасидан шаҳар ФВБ ёнғин ўчириш экипажи соат 15:42да воқеа жойига етиб бориб, соат 15:52да ёнғин тўлиқ бартараф этилган.

Ёнғин оқибатида 15 кв. метр. майдонда усталарнинг қурилиш жиҳозлари зарар кўргани айтилмоқда. Ёнғиндан жарохат олган ҳамда вафот этган фуқаролар йўқ.

Ҳозирча ёнғин келиб чиқиши сабаблари маълум қилинмаяпти.