Шавкат Мирзиёев ШҲТ саммитида Тоғли Қорабоғ ҳақида гапирди

Айни пайтда ШҲТ нинг навбатдаги саммити бўлиб ўтмоқда. Бироз аввал Ўзбекистон раҳбари Шавкат Мирзиёев Шанхай ҳамкорлик ташкилотига аъзо давлатлар раҳбарлари иштирокидаги онлайн-саммитда нутқ сўзлади.

Шавкат Мирзиёев ўз чиқиши аввалида қўшни Қирғиз Республикаси вакили Садир Жапаров ҳам иштирок этаёгганидан хурсандлигини билдирар экан, Ўзбекистон қардош қирғиз халқининг тинчлик ва фаровонлик йўлидаги саъй-ҳаракатларини ҳар томонлама қўллаб-қувватлашини таъкидлади.

Шунингдек, Тоғли Қорабоғда ўт очиш ва ҳарбий ҳаракатлар тўхтатилганидан мамнун эканини айтиб, минтақада аввалгидек тинчлик ўрнатилишига умид билдирди. Арманистон ва Озарбайжон ўртасида тинчлик сулҳининг тузилишида Россиянинг ролини юқори баҳолади.