FIDE reytingi yangilandi: o‘zbek shaxmatchilari nechanchi o‘rinlarda?

Jahon shaxmat federatsiyasi noyabr oyi yakunlangach, o‘z reytingini yangiladi. Ushbu yangilangan jahon reytingida kuchli 100 likdan 5 nafar o‘zbekistonlik grossmeyster o‘rin oldi.

Nodirbek 6-o‘rinda

Reytingda Nodirbek Abdusattorov (2777) 6-o‘rinda qayd etildi. U avvalgi oyda ham shu o‘rinda qayd etilgan edi. Bu oyda uning reyting ochkolarida ham o‘zgarish sezilmadi.

Reytingdagi ko‘tarilish boshqa sportchilarning yo‘qotishlar hisobiga amalga oshdi

Bundan tashqari, eng kuchli shaxmatchilar reytingida Rustam Qosimjonov (2685) ham o‘rin olgan. Tajribali shaxmatchi 43-o‘rinda joylashgan. Javohir Sindorov (2682) avvalgi oydagi kabi 46-o‘ringa joylashdi. 2681 reyting ochkosiga ega shaxmatchi Shamsiddin Vohidov 47-o‘ringa ko‘tarildi. U oktyabr oyidagi reytingda 48-o‘rinda edi. 

Avvalgi oyda 62-o‘rinda qayd etilgan Nodirbek Yakubboyev (2668) bu oyda 60-o‘rinda qayd etildi. Ushbu oyda hech qaysi o‘zbek shaxmatchilari o‘z hisobiga reyting ochkolari qo‘shib qo‘ya olmadi: reytingdagi ko‘tarilish boshqa sportchilarning yo‘qotishlar hisobiga amalga oshdi.