Ўзбекистон жорий йилда 20,3 млн долларлик қовун экспорт қилди

Давлат статистика қўмитаси маълумотларига кўра, жорий йилнинг 1 октябрь ҳолатига Ўзбекистон қиймати 20,3 млн AҚШ долларига тенг бўлган 52,1 минг тонна қовун экспорт қилган.

Жумладан, бу йил мамлакатимизда етиштирилган қовунлар 17 та хорижий давлатлар бозорларига етказиб берилган бўлиб, ўтган йилнинг мос даврига нисбатан 32 тоннага яъни қарийб 3 бараварга ошган.

Шунингдек, январь-сентябрь ойлари мобайнида Ўзбекистон энг кўп Қозоғистонга 19,1 минг тонна, Қирғизистонга 17,0 минг тонна, Россияга 6,2 минг тонна, Украинага 3,9 минг тонна ҳамда Латвия давлатига 2,6 минг тонна қовун экспорт қилган.

Маълумот учун, 2020 йилнинг сўнгги 9 ойида Андижон 9,9 минг тонна, Жиззах 9,4 минг тонна, Фарғона 6,2 минг тонна, Наманган 5,5 минг тонна ва Сирдарё вилояти 5,3 минг тонна кўрсаткичи билан энг кўп қовун экспорт қилган ҳудудлар бўлди.