O‘zbeklarga Rossiya oliygohlariga qabul uchun ro‘yxatdan o‘tish boshlandi

O‘zbekistonliklar uchun Rossiya oliy o‘quv yurtlarida kvota bo‘yicha o‘qish uchun ro‘yxatdan o‘tish boshlandi. Rossotrudnichestvo qanday hujjatlarni topshirish kerakligini aytdi.

Toshkentdagi Rus uyi bu haqida xabar bergan

Ma’lum qilinishicha, Toshkentdagi Rus uyi (Rossotrudnichestvo) Rossiya Federatsiyasi hukumati kvotalari bo‘yicha Rossiya oliy o‘quv yurtlarida o‘qish uchun ro‘yxatdan o‘tish boshlanganini e’lon qildi.

Ro‘yxatdan o‘tish uchun quyidagilar zarur:

- pasport yoki shaxsiy guvohnoma;

- ma’lumoti to‘g‘risidagi hujjat (attestat);

- shaxsga doir ma’lumotlarga ishlov berishga rozilik;

- individual yutuqlar (savodxonlik va boshqalar, agar ular bo‘lsa);

- tibbiy ma’lumotnomalar;

- tavsiya xati (iltimosnoma xati). U magistratura, aspirantura, ordinatura yoki ijodiy mutaxassisliklar uchun zarur;

- to‘ldirilgan anketa-ariza.

Onlayn ariza topshirish ham mumkin

Shuningdek, ushbu portal orqali ariza berish mumkin. Bunda ro‘yxatdan o‘tish uchun Yandex yoki Mail.ru pochta manzilidan foydalanish talab etiladi.

Ma’lumot uchun, ro‘yxatdan o‘tish 2025-yil 15-yanvargacha davom etadi.