Эртага Шавкат Мирзиёев Олий Мажлисга мурожаат билан чиқади

Эртага, 29 декабрь куни соат 11:00 да Халқаро конгресс марказида Президент Шавкат Мирзиёевнинг Олий Мажлисга Мурожаатномаси бошланади. Бу ҳақида Президент Матбуот хизмати хабар берди.

Унда 2021 йилга ном берилиб, мамлакатни янада ривожлантиришга қаратилган энг муҳим вазифалар, ички ва ташқи сиёсатга доир устувор йўналишлар белгиланиши айтилмоқда.

Мурожаатнома 15 та телеканалда жонли эфирда, Президентнинг расмий веб-сайти ва ижтимоий тармоқлардаги расмий саҳифаларида онлайн ёритиб борилади.