O‘zbekistonda “Coca Cola”ning yangi erasi boshlanmoqda

Prezident Shavkat Mirziyoyev “Coca Cola” kompaniyasi rahbarini qabul qildi.

Uch taraflik uchrashuv

16-may kuni O‘zbekiston Respublikasi Prezidenti Shavkat Mirziyoyev "Coca Cola" kompaniyasi raisi va bosh direktori Jeyms Kuinsini qabul qildi. Shuningdek, uchrashuvda “Andolu Group” kompaniyasi rahbari Tunjay O‘zilxon ham qatnashdi. O‘zbekistondagi “Coca Cola İçecek” Turkiyaning “Andolu Group” kompaniyasi tarkibiga kiradi.

Hozirda 3 ta zavod bor

Alkogolsiz ichimliklar ishlab chiqaruvchi dunyodagi eng yirik kompaniya mahsulotlari ayni paytda 200 dan ortiq mamlakatlar bozorlarini qamrab oladi. Ushbu kompaniyaning 950 ta zavodida 200 dan ortiq brendlar ishlab chiqariladi. O‘zbekistonning Toshkent, Urganch va Namangan shaharlarida ham uning zavodlari faoliyat yuritmoqda.

Yangi zavodlar ochiladi

O‘zbekistonda kompaniyaning yana 2 ta zavodi ochiladi. Biri 15-mayda ochilish marosimi bo‘ladigan Samarqanddagi zavod bo‘lsa, ikkinchisi 2025-yilda foydalanishga topshiriladigan Namangandagi yana bir zavod. Prezident Mirziyoyev ushbu loyihalarni qo‘llab-quvvatlab, kelgusida yanada rivojlantirish uchun maxsus “yo‘l xaritasi” ham qabul qilishni buyruq berdi.